簡單。咖哩蟹雞煲拌牛脷酥
一次機緣巧合之下發覺原來牛脷酥配咖哩，甜甜辣辣係好好味道㗎！個咖哩汁因為有雞有蟹，真係鮮甜到無得頂呀！大家下次都試試👍👍👍
材料
。雞半隻，用兩湯匙豉油，兩茶匙生粉，一湯匙紹興酒，醃上半小時！
。羔蟹一隻，劏好備用！
。A1咖哩醬一包!!
。薯仔兩隻，洗淨刨皮，切大塊，用油鹽撈匀放焗爐用200度焗20分鐘至金黃色！
。毛茄/蕃茄可隨意加入！
。椰漿一罐
。上湯500ml
。紫洋蔥一個，切塊備用！
。蒜頭，乾葱適量！
煮法
。爆香蒜頭乾葱，落雞件炒香至金黃色！
。下洋蔥炒至軟身，落咖哩醬炒香！
。下蟹件炒匀，加入椰漿及上湯攪勻
。加入焗好的薯仔及蔬果至大滾後多煮5分鐘食得！
Search